Descarga-te eth nòste programa electorau: en catalan / en castelhan

1 ETH REFERÈNDUM EI ERA MELHOR SOLUCION

Eth 80% dera gent de Catalonha vò decidir eth sòn futur a trauès d’ua consulta. Nosati mos auem comprometut a defener-la pr’amor que i credem, en tot contribuïr qu’es fòrces que defenen eth referèndum guanhen en Espanha per prumèr còp ena istòria.

 

2 PLAN DE RESCAT E EMERGÉNCIA SOCIAU

Combàter es desigualtats: prumèr recuperar drets (suprimir era reforma laborau, garantir eth dret ar accès a uns servicis sociaus publics e de qualitat), e suprimir retalhades (educacion e sanitat, lei dependéncia). E dempús, ua fasa d’ampliament: praubesa energetica, permís de paternitat parièr e intransferible, renda garantida de ciutadania.

3 CREACION D’AUCUPACION QU’ACABE DAMB ERA PRECARIETAT

Generar naua activitat economica e dinamizar era existenta, e fomentar ua aucupacion digna que dèishe endarrèr era precarietat. Derogacion des reformes laboraus en tot favorir es sectors economics mès sostenibles. Luta contra eth caumatge juvenil e eth des majors de 55 ans. Foment dera formacion laborau.

4 BLINDEM ES SERVICIS PUBLICS, AUMENTEM DRETS E BENESTAR

Melhorar eth servici de salut, garantir ua educacion publica e democratica, que respècte era immersion lingüistica. Garantir ena egalitat en accès. Facilitar er accès ara educacion universitària damb reduccion de taxes e ampliament de bèques.

5 LUTA CONTRA ERA CORRUPCION E ES PARADISI FISCAUS

Luta decidida contra era corrupcion, es paradisi fiscaus e plan de luta contra era frauda fiscau. Foment deth banc public, es finances etiques e es iniciatiues cooperatives, atau coma gésser deth corsé deth deute. Implementar politiques reaus de transparéncia e rendicion de compdes.

6 GARANTIR ETH DRET AR ABITATGE

Aprovar era dacion en pagament e coresponsabilizar es entitats financères en abitatge public de loguèr. Garantir que non se talhen es subministraments basics a familhes en risc. Facilitar era emancipacion juvenila.

7 LUTA CONTRA ETH CAMBI CLIMATIC. UN TERRITÒRI SOSTENIBLE E LIURE D’AGRESSIONS

Liderar era luta contra eth cambia climatic, apostar per un sistèma electric public, e èster pionèrs en eth camp dera economia dera transicion energetica. Proteccion des recorsi idrics e naturaus.

8 UA POLITICA FEMINISTA: JUSTÍCIA DE GENRE E LUTA CONTRA ERA LGBTIFÒBIA

Reorganizacion deth sistèma de suenhs e d’emplecs deth temps, garantir es drets economics des hemnes, garantir eth dret ath pròpri còs, plaçar es violéncies maschistes coma ahèr d’Estat.  Lei Integrau contra era LGTBIfòbia.

9 BENVENGUDI REFUGIATS! DRET D’ASIL E DIGNITAT ENTÀS PERSONES MIGRANTS

Solidaritat e compromís damb qui ei luenh e damb qui ei apròp. Barrament immediat des CIE e acuelhuda de refugiats. Lei contra eth racisme e era xenofòbia. Promocion des drets umans e refortiment dera cooperacion ath desvolopament.

 

10 ES AJUNTAMENTS, ETH VERTADÈR HILAT DE CIUTADANIA

Dotar es ajuntaments des instruments e es recorsi entà poder resòlver es problematiques dera ciutadania. Coma administracion mès apròp deth ciutadan, èster era prumèra linha de garantia de justícia sociau.
ecp
ecp2